डायमन्ड बुद्धिस्ट सेन्टर यूकेलाई प्रशंसा पत्र
कोरोना महामारीबाट नेपालमा अक्सिजन बिना धेरै मानिसहरुको मृत्युलाई रोक्नका लागि एनआरएन लगाएत विभिन्न विदेसमा बसोबास गर्दै आएका नेपालीहरुले संस्थागत सहयोग दिँदै आएका छन ।
महाभूकम्प होस वा बाढिपहिरोले देशमा विनाश मचाएको बेला प्रत्येक नेपालीको मन दुखेको हुन्छ । विदेशबाट सहयोग दिँदै आएकोले गर्दा नेपालमा केहि राहत पुगेको हुन्छ । यतिबेलाको राजनीँति अस्थिरता र नेताहरुको कुर्सी तानातान भएको अवस्थामा देशको जनताले ठूलो पीँडा खप्नु परेको छ । डायमन्ड बुद्धिस्ट सेन्टरले एकवर्ष पहिलेदेखि नै कोरोनाबाट पीँडित गरिब र शारीरिक असहज भएकाहरुलाई खाद्यान्न वितरण गरेको थियो ।
यसवर्ष पनि अक्सिजन कन्सन्ट्रेटर खरिदका लागि बेलायतको तमुधिँ मार्फत यस धार्मिक संस्थाले आर्थिक सहयोग गरेबापत प्रशंसापत्र प्रदान गरेको छ । प्रशंसापत्र समेत यस स्तम्भमा सम्प्रेषण गरिएको छ ।
